Direct naar de inhoud
  • Home
  • Nieuws
  • BOPEC Boneiru: siguridat di kandela dor di falta di mantenshon no ta na òrdu

Seguridat kontra kandela na Bonaire Petroleum Corporation no tabata na òrdu dia 8 sèptèmber 2010. Esaki e Konseho di investigashon riba seguridat a konkluí den un rapòrt ku a keda presentá awe. Komo konsekuensia di mantenshon defisiente e sistema pa kombatí kandela den e kompania no tabata funshoná. Gobièrnu di Boneiru tabata permití e situashon aki dor ku nunka nan a pone reglanan di seguridat pa BOPEC. Pa e motibu aki no por a kombatí un kandela ku a presentá dia 8 sèptèmber 2010 den un dje tankinan di depósito ku tabata yená ku e produkto Nafta ku ta un produkto levemente inflamabel. E tanki a kima kompletu.

Tabata dia 8 di sèptèmber 2010 alrededor di 12.00 or, ku welek a dal dos tanki di depósito di Bonaire Petroleum Corporation (BOPEC) na Boneiru i a okashoná un kandela. Ta trata aki di un kandela ku riba e mèrdia ei a keda kombatí den un tanki di depósito yená ku krudo ku tin un kapasidat di 14.500 m3. Debí na e sistema defisiente di kombatí kandela, e kandela ku a surgi den e otro tanki di depósito no por a keda pagá. E tanki aki tabata yená ku 22.300 m3 di nafta. Den ámbos kaso tabatin papiá di e asina yama ‘rimseal‐fire’, kaminda kandela a kuminsá na altura di e seyonan fleksibel (rimseal ) di e dak flotante di e tanki (rimseal). Riba petishon di e gobièrnu di Antia Hulandes dje tempu ei i di gezaghèber di teritorio insular di Boneiru a inisiá dia 11 sèptèmber 2010 ku un investigashon kaminda a bai mira e konsekuensianan di kandela i e faktornan ku esaki a trese kuné. Un kandela pa motibu di welek no ta ekskluí na sitionan kaminda ta depositá produktonan manera krudo i nafta den tankinan ku tin e asina yamá dak flotante i esaki sa sosodé regularmente. Mundialmente kompanianan i gobièrnunan ta aseptá e riesgonan aki, basta medidanan ser tuma pa minimalisá e chèns riba kandela i pa limitá eventual kandela . Pa esakinan, e stándart di The American Petroleum Institute (API) ta keda mantené.

Defisensianan

E Konseho di investigashon ta konkluí ku BOPEC no a kumpli ku e stándartnan i ku e fasilidatnan di seguridat na BOPEC kontra kandela no tabata na òrdu na luna di sèptèmber 2010. Ta bèrdat ku e tankinan di depósito a keda diseñá i konstruí na aña 1973 segun e stándartnan vigente di API pero for di e tempu ei e no a hasi inspekshon i mantenshon di e tankinan segun e stándart. BOPEC tabata na altura di e defisiensianan aki, pero no a mara niun konsekuensia na esakinan. Riba 8 sèptèmber 2010 Bonaire tabata forma parti di Antia Hulandes. Dia 10 di òktober 2010 e kambionan riba tereno di struktura estatal a tuma lugá kaminda Boneiru a bira un munisipio spesial di Hulanda. Riba dia di e kandela a resultá ku e rimseals no tabata funshoná sufisientemente bon i esaki a pone ku airu flamabel tabata presente riba e tankinan. E “para rayonan “di welek tampoko no tabata kumpli ku e stándart di funshon. E pòmpnan di paga kandela di e kompania no tabata manda sufisiente preshon i a pone ku a haña falta di awa pa paga kandela. E instalashon di paga kandela di e tanki ku tabata kontené krudo, no tabata funshoná. E unidat di foam na e tanki di nafta tampoko tabata funshoná. E medionan mobil di paga kandela di BOPEC tabata den hopi mal estado di mantenshon. Despues ku e kandela den e tanki di krudo a keda kombatí, esnan enkargá ku pagamentu di kandela no por a kombatí e kandela den e tanki di nafta mesora, pasobra no tabatin sufisiente foam disponibel. E mal estado di mantenshon den kurso di aña a bira realidat di akuerdo ku e opinion di e Konseho di investigashon debí ku e gobièrnu na Boneiru no a stipulá reglanan di seguridat pa BOPEC.

Rekomendashonnan

Pa evitá ripitishon, gobernashon di Boneiru despues di e kandela na BOPEC a instituí un kantidat di regla estrikto pa BOPEC. Pa e seguridat kontra kandela di BOPEC, segun e Konseho di investigashon ta esensial pa sigui tambe e rekomendashonnan di e Konseho di investigashon.

‐ BOPEC mester demonstrá klaramente seguridat i garantia di maneho di e instalashonnan. E tankinan di depósito mester ta poseé di “para rayonan” korekto di welek i mester ta konektá ku tera. Ademas mester mantené i inspekshoná e tankinan di depósito i e sistemanan di kombatimentu di kandela konforme e stándartnan di API.

– Bestuurscollege di Boneiru mester salbaguardiá e seguridat kontra kandela di BOPEC dor di stipulá kondishonnan kla pa e kompania. Por obligá BOPEC por ehèmpel pa lanta nan mes kompania di brantwer i konhuntamente por hiba entrenamentu ku brantwer di e isla. Bestuurscollege ta responsabel komo supervisor i otorgadó di pèrmit pa e supervishon i mantenshon di e seguridat kontra kandela na BOPEC.

Partisipashon pa redakshonnan Pa mas informashon por akudí na e boseronan di e Konseho, Sandra Groenendal telefon 0623175701 òf Wim van der Weegen 0623464277. Por konsultá e teksto kompletu di e rapòrt riba e website di Konseho di investigashon www.onderzoeksraad.nl.

This site is registered on wpml.org as a development site. Switch to a production site key to remove this banner.